25جولائی کو چیئرمین پی ٹی آئی اپنا ووٹ کہاں کاسٹ کریں گے؟

اسلام آباد: الیکشن 2018 کا انتخابی میدان سجنے میں 4 دن باقی رہ گئے ہیں،چیئرمین تحریک انصاف 25 جولائی کو اپنا ووٹ کہاں ڈالیں گے؟۔

نجی ٹی وی کےمطابق پاکستان تحریک انصاف کے سربراہ عمران خان کا ووٹ اسلام آباد کے حلقہ این اے 53 میں رجسٹرڈ ہے اس لیے عمران خان ووٹ کاسٹ کرنے کیلئے اسلام آباد ماڈل اسکول فار بوائز ڈھوک جیلانی پولنگ اسٹیشن جائیں گے اور وہاں جا کر وہ اپنا ووٹ کاسٹ کریں گے۔

عمران خان کا شماریاتی بلاک کوڈ 501010450 اور سلسلہ نمبر 478 ہے،جبکہ عمران خان ووٹ کاسٹ کرنے کے بعدمختلف پولنگ اسٹیشنز کا دورہ بھی کریں گے اور وہ عام انتخابات کے نتائج زمان پارک لاہور میں سنیں گے۔