سی ٹی ڈی کی کارروائی ، تعلیم یافتہ دہشت گردگرفتار

کراچی:سی ٹی ڈی نے پاک کالونی میں کارروائی کرکے اعلیٰ تعلیم یافتہ دہشت گردوں کو گرفتار کرلیا ہے۔
سی ٹی ڈی کے سربراہ کے مطابق گرفتار ملزمان کےقبضے سےاسلحہ، ممنوعہ لٹریچر اوردیگر سامان بھی برآمد کیا گیا ہےجبکہ ملزمان ای میل کے ذریعے افغانستان میں روپوش دہشت گردوں سے رابطے میں ہیں۔
دہشت گردوں کا تعلق القاعدہ اورلشکرجھنگوی سےہے اورملزمان کی شناخت قاری عرفان اللہ عرف عثمان، زوہیر، سالک اور رضوان کے ناموں سے ہوئی ہے۔
انچارج سی ٹی ڈی مظہر مشوانی کے مطابق گرفتار ملزم سالک الیکٹریکل انجینئر اور سانحہ صفورا گوٹھ کے دہشت گرد اظہر عشرت عرف خوبصورت کا ساتھی ہے، ملزم رضوان نجی اسپتال میں اعزازی ڈائریکٹر ہے۔
واضح رہے کہ 2015 میں سانحہ صفورا گوٹھ کے ملزمان کو جب سی ٹی ڈی کراچی نے گرفتار کیا تھا تو پہلی مرتبہ یہ بات سامنے آئی تھی کہ جدید تعلیم یافتہ افراد بھی دہشت گردی کی کارروائیوں میں ملوث ہیں۔