لاہور، میٹرک امتحانات کے نتائج کا اعلان،قصاب کے بیٹے کی پہلی پوزیشن

لاہور میٹرک بورڈ کے سالانہ امتحانات کے نتائج کا اعلان کردیا گیا،طالبعلم توصیف افضل نے قصاب کا بیٹا ہونے کے باوجود پہلی پوزیشن حاصل کی۔
توصیف کو میٹرک میں ٹاپ پوزیشن حاصل کرنے پر لاہور بورڈ کی جانب سے ایک لیپ ٹاپ اور 50 ہزار روپے دئیے گئے ہیں۔توصیف کے والد کی دوکان لاہور کے علاقے اقبال ٹاؤن میں ہے۔ توصیف تین بہن بھائیوں میں سب سے چھوٹا ہے اس سے بڑی دو بہنیں ہیں جن میں سے ایک میڈیکل کی طالبہ ہے اور دوسری ایم بی اے کررہی ہے۔
طالبعلم توصیف نے اپنے مستقبل کے حوالے سے بات کرتے ہوئے کہا کہ وہ سی ایس ایس آفیسر بن کر ملک کانام روشن کرناچاہتا ہے۔
واضح رہے کہ لاہور میٹرک بورڈ میں کامیابی کا تناسب 75 فیصد سے زیادہ رہا، میٹرک امتحانات میں دولاکھ 34ہزار 671 طالبعلموں نے رجسڑیشن کروائی تھی، جب کہ امتحانات میں دو لاکھ 32 ہزار 46 امیدواران نے شرکت کی، کامیاب ہونے والوں کی تعداد ایک لاکھ 74 ہزار 63 ہے۔