جج نے11بجے حنیف عباسی کو سزا سنا کر انصاف کے12 بجا دئیے، حامد میر

راولپنڈی : انسداد منشیات عدالت نے ایفی ڈرین کوٹہ کیس میں مسلم لیگ (ن) کے رہنماحنیف عباسی کو عمر قید کی سزا سنا دی ۔سینئرصحافی حامد میر نے سماجی رابطوں کی ویب سائٹ ٹوئٹر پر جاری اپنے پیغام میں کہا ہے کہ ایک جج نے رات کے گیارہ بجے حنیف عباسی کو عمر قید کی سزا سنا کر انصاف کے بارہ بجا دئیے،

حامد میر نے نجی ٹی وی سے گفتگو کرتے ہوئے اس فیصلے کو متنازعہ بھی قرار دیا اور کہا کہ اس کیس میں حنیف عباسی کو عمر قید کی سزا ملنا ان کی سمجھ سے باہر ہے اور فیصلہ سنانے والے جج نے یہ فیصلہ حنیف عباسی کے خلاف نہیں بلکہ اپنے خلاف سنایا ہے۔