کون سے ووٹ گنتی میں شامل ہونگے، الیکشن کمیشن نے وضاحت کردی

اسلام آباد: الیکشن کمیشن آف پاکستان نے عام انتخابات میں کون سے ووٹ گنتی میں آگئے اور کون سے خارج کردیئے جائیں گے اس کی وضاحت کردی ہے۔
الیکشن کمیشن کے مطابق آفیشل کوڈ مارک اور اسسٹنٹ پریزائیڈنگ افسر کے دستخط کے بغیر بیلٹ پیپر گنتی سے خارج ہوگا۔ واٹر مارک والے بیلٹ پیپر کے سوا دوسرا کوئی بیلٹ پیپر بھی گنتی سے خارج ہوگا۔
الیکشن کمیشن کے مطابق صرف مخصوص 9 خانوں کی مہر والا بیلٹ پیپر ہی گنتی میں آئے گا جبکہ وہ بیلٹ پیپر گنتی میں شامل ہوگا، جس پر مہر کا نشان کسی خاص امیدوار کے لئے واضح ہو۔ بیلٹ پیپر پر کسی بھی قسم کا کاغذ یا کوئی چیز لگانے سے بھی بیلٹ پیپر خارج تصور ہوگا۔
الیکشن کمیشن کے مطابق ایک ہی نشان پر ایک سے زائد بار یا ایک ہی نشان پر مہر والا بیلٹ پیپر تسلیم ہوگا۔