خواجہ سعد رفیق نےاین اے 131 سےعمران خان کی کامیابی چیلنج کردی

کراچی میں میڈیا سے بات کرتے ہوئے علی رضا عابدی نے کہا کہ ان کے حلقے میں انتخابی نتائج میں تبدیلی کی گئی، انہیں نتائج قبول نہیں، وہ آئندہ ایک دو روزمیں الیکشن ٹریبونل میں نتائج کے خلاف درخواست دیں گے۔

واضح رہے کہ غیرحتمی سرکاری نتیجے کے مطابق این اے 243 کراچی سے پاکستان تحریک انصاف کے چیئرمین عمران خان 91 ہزار358 ووٹ لے کرکامیاب قرارپائے ہیں جبکہ علی رضا عابدی 24 ہزار82 ووٹ لے کردوسرے نمبرپررہے تھے۔

ادھرقومی اسمبلی کے حلقہ این اے 108 فیصل آباد سے ووٹوں کی دوبارہ گنتی کیلئے عابد شیرعلی کی درخواست بھی منظور کرلی گئی ہے اورگنتی کل صبح ہوگی۔

علاوہ ازیں علاوہ ازیں تحریک انصاف کے رہنما علیم خان کی این اے 129 میں ووٹوں کی دوبارہ گنتی کی درخواست بھی منظورکرلی گئی ہے اورریٹرنگ افسر نے کل صبح 10 بجے ایازصادق کو طلب کرلیا ہے۔

علیم خان نے درخواست میں مؤقف اختیار کیا کہ این اے 129 کے انتخابی نتائج حقائق کے برعکس دیئے گئے، بیلٹ پیپرز کی گنتی کے وقت پولنگ ایجنٹس کو باہرنکال دیا گیا تھا۔

واضح رہے کہ گزشتہ روز خواجہ سعد رفیق نے الزام عائد کیا تھا کہ عمران خان نے این اے 131 کا الیکشن 50 کروڑ میں خریدا تھا، اندھا دھند پیسہ لُٹایا گیا اورووٹوں کی خرید و فروخت کی گئی۔