عمران خان کو جتوانے کیلئے فل پنکچر لگائے گئے ہیں، خورشید شاہ

اسلام آباد: پاکستان پیپلزپارٹی کے رہنما خورشید شاہ کا کہنا ہے کہ عمران خان کو جتوانے کے لئے ایک پنکچر نہیں بلکہ فل پنکچر لگائے گئے ہیں۔
پیپلزپارٹی کے رہنما خورشید شاہ نے اپنے ایک بیان میں کہا کہ الیکشن کا نتیجہ دیکھ کر ایسا لگتا ہے کہ عمران خان کی ارینج میرج ہوئی ہے۔ عمران خان کو جتوانے کے لئے ایک پنکچر نہیں بلکہ فل پنکچر لگائے گئے ہیں اور یہ پنکچر عمران خان کے تمام حلقوں میں لگائے گئے۔
خورشید شاہ نے کہا کہ الیکشن کا پوسٹ مارٹم کرنا ہے تو صرف چند حلقے کھول لیں۔
یوسف رضا گیلانی، رسول بخش چانڈیو، فیصل صالح حیات، اعجاز جاکھرانی اور سعد رفیق کے حلقوں میں پنکچر لگائے گئے۔ یہ حلقے مثال کے طور پر دیئے ہیں۔