شیخوپورہ ،پی پی 143 پر ووٹوں کی دوبارہ گنتی فاتح تبدیل نہ کرسکی

شیخوپورہ: پنجاب اسمبلی کی نشست پی پی 143 پر ووٹوں کی دوبارہ گنتی فاتح تبدیل نہ کرسکی، پی ٹی آئی امیدوارووٹوں کی دوبارہ گنتی میں بھی ناکام قرار پائے۔
تفصیلات کے مطابق شیخوپورہ کے حلقہ پی پی 143 میں پاکستان تحریک انصاف کے امیدوار رانا وحید کی درخواست پر دوبارہ گنتی کی گئی جس میں ن لیگی امیدوارسجاد حیدر گجرکی جیت برقرار رہی جب کہ پی ٹی آئی امیدوار دوسرے سے تیسرے نمبر پر چلے گئے۔
دوبارہ گنتی میں سجاد حیدر گجر نے 31 ہزار247 ووٹ حاصل کیے، آزاد امیدوارمحمدسرفراز 31 ہزار82 ووٹ لے کردوسرے نمبر پر اور پی ٹی آئی کے امیدوار 30 ہزار 178 ووٹ لے سکے۔
اس سے قبل سجاد حیدر کے ووٹ31ہزار 388 تھے، جبکہ پی ٹی آئی کے امیدوار کے ووٹ 30ہزار 319 تھے۔