کسی کی غیر مشروط حمایت نہیں کریں گے،چیئرمین پیپلز پارٹی

کراچی: چیئرمین پیپلز پارٹی بلاول بھٹو زرداری نے کہا کہ کسی کی غیر مشروط حمایت نہیں کریں گے وفاق اور پنجاب میں اپوزیشن بینچوں پر بیٹھیں گےیہ بات انہوں نے آزاد امیدواروں کے ساتھ ملاقات میں کہی ۔

چیئرمین پیپلز پارٹی بلاول بھٹو زرداری کا کہناتھاکہ جنوبی پنجاب صوبہ کوئی کٹھ پتلی جماعت نہیں صرف پیپلزپارٹی ہی بنا سکتی ہے،

انہوں نے دو ٹوک موقف اختیار کرتے ہوئے کہا کہ ہم کسی کی غیرمشروط حمایت نہیں کریں گے ہماری حمایت اور مخالفت صرف عوامی مسائل کی بنیاد پر ہوگی۔

بلاول بھٹو سے ملاقات کرنے والوں میں حسن مرتضیٰ، علی حیدر گیلانی اور دیگر شامل تھے، اراکین نے پنجاب میں حکومت سازی کے امور پر تبادلہ خیال کیا۔