طلال چوہدری کیخلاف توہین عدالت کیس کا فیصلہ کل سنایا جائیگا

اسلام آباد: مسلم لیگ (ن) کے رہنما اور سابق وزیر مملکت برائے داخلہ طلال چوہدری کے خلاف توہین عدالت کیس کا فیصلہ کل سُنایا جائے گا۔
تفصیلات کے مطابق طلال چوہدری نے جڑانوالہ کے جلسے میں مبینہ طور پر ججز کے خلاف توہین آمیز زبان استعمال کی تھی جبکہ پاناما کیس کے سلسلے میں شریف خاندان کے مالی اثاثوں کی تحقیقات کرنے والی جے آئی ٹی اور عدلیہ کو تنقید کا نشانہ بنا چکے ہیں۔ طلال چوہدری کے خلاف توہین عدالت کیس کی سماعت کے بعد عدالت عظمیٰ نے 11 جولائی کو فیصلہ محفوظ کرلیا تھا۔ جو کل سنایا جائے گا۔