نجی ایئرلائن کی بدانتظامی،300 پاکستانی چین میں پھنس گئے

شاہین ایئرلائنزکی بدانتظامی کی باعث تین سو سے زائد پاکستانی چینی شہر گوانگ زو میں پھنس کر رہ گئے ہیں۔
ذرائع کے مطابق 29 جولائی کو گوانگ زو سے وطن واپسی کی شاہین ایئرلائنز کی فلائیٹ اچانک منسوخ کردی گئی جس کے بعد ویزا ختم ہونے کی وجہ سے چینی پولیس نے گوانگ زو میں پھنسے کچھ پاکستانیوں کو حراست میں لے لیا۔
ذرائع نے مزید بتایا کہ آئندہ چند روزمیں مزید پاکستانیوں کے ویزے بھی ختم ہونے والے ہیں ، انہیں بھی گرفتاری اور جرمانے کا سامنا کرنا پڑسکتا ہے۔
دوسری طرف ایئرلائن کی ہیلپ لائن سے بھی مسافروں کی کوئی مدد نہیں کی جارہی، مسافروں نے حکومت سے مدد کی اپیل کی تاہم ان مسافروں میں سے اکثر کا تعلق بلوچستان کے علاقے چمن سے ہے۔