اقتدارکےلئے عمران خان شیطان سے بھی اتحاد کرسکتے ہیں،خواجہ سعد رفیق

لاہور: مسلم لیگ ن کے رہنما خواجہ سعد رفیق نے کہاکہ عمران خان نے ڈاکو،قاتل کالقب پانیوالے ق لیگ اورایم کیوایم کوآج اپنا اتحادی بنالیا اس لئے کہتے ہیں کہ نئے پاکستان کیلئے بہت کچھ کرنا پڑتا ہے۔

نجی ٹی وی کے مطابق مسلم لیگ ن کے رہنما خواجہ سعد رفیق نے ایم کیو ایم پاکستان کے پی ٹی آئی کے ساتھ اتحادوالی خبر پر رد عمل دیتے ہوئے کہا کہ ایم کیوایم،ق لیگ،لوٹے،لٹیرے،بکاؤگھوڑے عمران پروڈکشنزکے ستار ے ہیں، عمران خان سے ڈاکو،قاتل کالقب پانیوالے ق لیگ اورایم کیوایم آج پی ٹی آئی کے اتحادی ہیں اس لئے کہتے ہیں کہ نئے پاکستان کیلئے بہت کچھ کرنا پڑتا ہے،انہوں نے کہا کہ ہم نے پہلے کہاتھا کہ اقتدارکےلئے عمران خان شیطان سے بھی اتحاد کرسکتے ہیں،عمران پروڈکشنزکی حیاسے عاری پیشکش”نیاپاکستان“ سب کو مبارک ہو۔