انتہاپسند کتاب سے وابستہ لڑکی سے خوفزدہ ہیں ۔ملالہ یوسفزئی

لندن:نوبل انعام یافتہ پاکستانی ملالہ یوسفز ئی نے کہا ہے کہ انتہاپسندوں نے طالبا ت کے اسکول تباہ کرکے بتا دیاہے کہ ان کو کتاب سے وابستہ لڑکی سے کتنا خوف ہے ۔

نجی ٹی وی کے مطابق نوبل انعام یافتہ پاکستانی ملالہ یوسفزئی نے گلگت بلتستان میں لڑکیوں کے اسکولوں پر ہونیوالے حملو ں کی مذمت کرتے ہوئے کہاہے کہ انتہاپسندوں نے دکھا دیا ہے کہ ان کو کتاب سے وابستہ لڑکیوں سے کتنا خوف ہے ؟ملالہ نے کہا کہ وہ اسکول جن کو تباہ کیا گیا ہے ان کی فوری تعمیر ہونی چاہئے اور بچوں کو کلاس رومز میں بھیج کر دنیا کو بتایا جائے کہ تعلیم ہر بچے کا حق ہے ۔