دیامرمیں سیشن جج کی گاڑی پر شرپسندوں کی فائرنگ

دیامر کے علاقے داریل میں سیشن جج ملک عنایت کی گاڑی پر شرپسندوں نے حملہ کیا ہے ، تاہم گاڑی میں موجود جج اور ان کے اہل خانہ محفوظ رہے۔
پولیس کے مطابق سیشن جج کی گاڑی پر پہلے سے گھات لگائے ملزمان نے دونوں اطراف سے فائرنگ کی۔
پولیس کا کہنا ہےکہ سیشن جج گزشتہ روز فائرنگ سے شہید ہونے والے پولیس اہلکار کی نماز جنازہ میں شرکت کرکے واپس جارہے تھے۔
پولیس کا کہناہےکہ سیشن جج گزشتہ روز فائرنگ سے شہید ہونے والے پولیس اہلکار کی نماز جنازہ میں شرکت کے لیے جارہے تھے۔
واقعے کے بعد پولیس کی بھاری نفری علاقے میں پہنچ گئی اور ملزمان کی گرفتاری کے لیے سرچ آپریشن شروع کردیا۔
واضح رہےکہ گزشتہ روز دیامر میں شرپسندوں نے لڑکیوں کے اسکولوں کو نذر آتش کیا تھا جس پر پولیس نے علاقے میں آپریشن کیا جس میں دہشت گردوں سے فائرنگ کے تبادلے میں ایک پولیس شہید ہوا جب کہ ایک دہشت گرد بھی مارا گیا۔