پتنگ کی ڈور نے 10سالہ معصوم بچی کی جان لے لی

کراچی : کراچی میںپتنگ کی ڈور سے 10سالہ بچی کا گلہ کٹ گیا، جس کی وجہ سے بچی جاں بحق ہوگئی ۔

ریسکیو ذرائع کے مطابق 10 سالہ بچی طیبہ بھائی کے ساتھ موٹر سائیکل پر غریب آباد انڈرپاس کے قریب سے گزر رہی تھی کہ یہ واقعہ پیش آیا،

بچی کے بھائی کا الزام ہے کہ جائے وقوعہ سے قریب واقع غیر قانونی منڈی کی وجہ سے ایمبولینس تاخیر سے پہنچی۔

پولیس کا مزید کہنا تھا کہ ڈور کی سمت سے تعین کیا جائے گا کہ ملزمان کس جانب ہوسکتے ہیں۔