نواز شریف اور مریم نواز کاحوصلہ بڑھ رہاہے،مریم اورنگزیب

راولپنڈی: ترجمان مسلم لیگ ن مریم اورنگزیب نے کہاکہ نوازشریف کی صحت بہترہے، نوازشریف اور مریم نواز کا حوصلہ ہر روز بڑھ رہا ہے۔

راولپنڈی میں اڈیالہ جیل کے باہرسابق وفاقی وزیراطلاعات مریم اورنگزیب نے میڈیا سے گفتگو کرتے ہوئے کہا کہ سابق وزیرعظم نواز شریف کے ساتھ ملاقات کے دن بڑھائے جائیں تاکہ انکے ساتھ کارکنان بھی مل سکیں۔

ترجمان ن لیگ مریم اورنگزیب نے مزید کہاکہ تمام پارٹیاں کہہ رہی ہے کہ فارم 45 تبدیل کیا گیا۔

مریم اورنگزیب نے الیکشن کےموقع پر پولنگ اسٹیشنوں میں لگے سی سی ٹی وی کیمروں کی فوٹیج پبلک کرنے مطالبہ کرتےہوئےکہاکہ الیکشن کمیشن کی ذمہ داری ہے تمام پارٹیوں کے سوالوں کے جواب دے اور پولنگ اسٹیشنوں کے اندرسی سی ٹی وی کیمروں کی فوٹیج عوام کو دکھائے۔