الیکشن میں کامیابی پر کنگنا رناوت کی عمران خان کو مبارکباد

ممبئی: بھارتی اداکارہ کنگنا رناوت نے چیئرمین پی ٹی آئی اور متوقع وزیراعظم عمران خان کو الیکشن میں کامیابی پر مبارکباد پیش کی اور ہاتھ جوڑکے التجا کی ہے کہ وہ پاکستان اور بھارت کے تعلقات بہتر بنائیں۔
بالی ووڈ کی اداکارہ کنگنا رناوت نے تحریک انصاف کے چیئرمین عمران خان کو الیکشن میں کامیابی کی مبارکباد پیش کی اور امید ظاہر کی کہ وہ دونوں ممالک کے تعلقات بہتر بنانے کے لئے اقدامات کریں کیونکہ دونوں ممالک کے درمیان ہونے والی کشیدگی کے باعث ہمارے جوان شہید ہوجاتے ہیں۔
انتخابات میں کامیابی کے بعد عمران خان کے قوم سے پہلے خطاب کے بارے میں کنگنا نے کہا کہ عمران خان نے بہت اچھی تقریر کی تھی۔ کنگنا رناوت نے عمران خان کے لئے نیک خواہشات کا اظہار کیا اور ہاتھ جوڑ کر عمران خان سے التجا کی کہ دونوں ممالک کے تعلقات خوشگوار اور بہتر بنائیں۔