عمران خان نے اپنے بیٹوں کو تقریب حلف برداری میں آنے سے منع کر دیا

لندن: عمران خان آج پاکستان کے 22 ویں وزیر اعظم کے طور پر حلف لیں گے تاہم عمران خان کی سابقہ اہلیہ جمائما خان نے کہا ہے کہ عمران کے بیٹے اس میں شرکت نہیں کر سکیں گے۔
پاکستان تحریک انصاف کے سربراہ عمران خان قومی اسمبلی میں 176 ووٹ لے کر ملک کے نئے وزیراعظم منتخب ہو گئے ہیں۔ عمران خان ملک کے 22 ویں وزیر اعظم ہوں گے۔ ان کے مدمقابل مسلم لیگ نون صدر شہباز شریف کو 96 ووٹ ملے۔ انتخاب کے بعد قائد ایوان آج ایوان صدر میں اپنے عہدے کا حلف اٹھائیں گے جہاں صدر مملکت ممنون حسین ان سے حلف لیں گے۔
ایک ٹوئٹ کے جواب میں جمائما خان کا کہنا تھا کہ عمران خان نے اپنے بیٹوں کو تقریب حلف برداری میں آنے سے خود منع کیا ہے۔