وزیراعظم عمران خان کا عید تعطیلات میں دفتری امور نمٹانے کا فیصلہ

اسلام آباد: وزیراعظم عمران خان نے عید کی تعطیلات میں دفتری امور نمٹانے کا فیصلہ کیا ہے۔
ذرائع کےمطابق وزیراعظم عمران خان نے عید کی تعطیلات میں بھی بنی گالہ نہ جانے کا فیصلہ کیا ہے۔
ذرائع کے مطابق وزیراعظم عمران خان عید کی تعیطلات پی ایم ہاؤس کے ملٹری سیکریٹری ہاؤس میں گزاریں گے اور اس دوران وہ دفتری امور بھی نمٹائیں گے۔
یاد رہے کہ گزشتہ روز وفاقی کابینہ کے پہلے اجلاس میں وزیراعظم عمران خان نے وزرا سے خطاب کرتے ہوئے کہا تھا کہ آپ عمران خان کی وفاقی کابینہ میں ہیں لہٰذا اب اپنے خاندان کو بھول جائیں کیوں کہ میں روزانہ 16 گھنٹے کام کروں گا اور آپ کو 14 گھنٹے کام کرنا ہوگا۔