وزیراعلیٰ کے پی کےمحمود خان کی 15 رکنی کابینہ کےنام سامنےآگئے

پشاور:خیبرپختونخوا کے وزیراعلیٰ محمود خان کی 15 رکنی کابینہ کے نام سامنے آگئے۔

صوبائی کابینہ میں محمد عاطف خان کو سینئر وزیر اور سیاحت کا قلمدان دیا گیا ہےجبکہ شہرام تراکئی بلدیات،تیمور سلیم جھگڑا وزیر خزانہ ہوں گے،

کابینہ میں سلطان محمد خان کو قانون ،ہشام انعام اللہ خان کو صحت اورکامران خان بنگش کو انفارمیشن ٹیکنالوجی کا وزیر بنایا گیا ہے۔

سید اشتیاق کو محکمہ جنگلات، حاجی قلندر لودھی کوخوراک ،شکیل احمد خان کو ریونیو،محب اللہ کو محکمہ زراعت اور ڈاکٹر امجد علی منرل ڈیولپمنٹ کے قلمدان سپرد کئے گئے ہیں۔ جبکہ اختر ایوب خان کے محکمے کا اعلان بعد میں کیا جائے گا۔

وزیراعلیٰ کے مشیروں میں ضیا اللہ خان بنگش،عبدالکریم اور شاہ محمد خان کورکھا گیا ہے۔