پی کے23شانگلہ میں دوبارہ ہونےوالی پولنگ میں شوکت یوسفزئی کامیاب

پشاور: الیکشن کمیشن کے حکم پر پی کے 23 شانگلہ میں دوبارہ ہونے والی پولنگ میں شوکت یوسفزئی کامیاب ہو گئے۔ 

حلقے کے 135 پولنگ اسٹیشنز کے غیر حتمی اور غیر سرکاری نتائج کے مطابق تحریک انصاف کے شوکت یوسفزئی 42 ہزار 116 ووٹ لیکر کامیاب ہو گئےہیں جب کہ مسلم لیگ ن کے محمد رشاد خان 22 ہزار315 ووٹ لیکر دوسرے نمبر پر رہے۔

خیال رہے کہ 25 جولائی کے عام انتخابات میں خواتین ووٹرز کا ٹرن آؤٹ 10 فیصد سے کم ہونے کے باعث الیکشن کمیشن نے الیکشن دوبارہ کرانے کا حکم دیا تھا۔

واضح رہے کہ عام انتخابات میں تحریک انصاف کے شوکت یوسفزئی 17 ہزار 399 کامیاب قرار پائے تھے جب کہ ن لیگ کے رشاد خان 15 ہزار 533 ووٹ لیکر دوسرے نمبر پر رہے تھے۔