نواز شریف کی اہلیہ بیگم کلثوم نواز انتقال کر گئیں

لندن: سابق وزیراعظم نواز شریف کی اہلیہ بیگم کلثوم نواز طویل عرصہ برطانیہ میں زیرِ علاج رہنےکے بعد انتقال کرگئیں ۔
تفصیلات کے مطابق شریف خاندان کے خاندانی ذرائع کے مطابق ہارلے اسٹریٹ کلینک میں کینسر کے مرض کے علاج کے لیے زیرِ علاج بیگم کلثوم نواز کا انتقال ہوگیا ہے۔

کلثوم نواز کو گزشتہ رات طبعیت بگڑنے پر دوبارہ وینٹی لیٹر پر منتقل کردیا گیا تھا۔
نواز شریف کے چھوٹے بھائی اور صدر مسلم لیگ (ن) شہباز شریف نے کلثوم نواز کی وفات کی تصدیق کی۔
واضح رہے کہ کینسر کے عارضے میں مبتلا بیگم کلثوم نواز گزشتہ برس جون سے علاج کی غرض سے لندن میں موجود تھیں، جہاں ان کی کئی کیمو تھراپیز ہو چکی تھیں۔