شادی کے موقع پر دلہن کو پیٹرول کا تحفہ

نئی دلی:بھارت میں ایندھن کی قیمتیں آسمان کو چھورہی ہیں ،ایسے میں پیٹرول بھی تحفے میں دی جانے والی آئٹم بن چکا ہے۔ بھارتی ریاست تامل ناڈو میں واقعی ایک نوبیاہتا جوڑے کو 5 لیٹر پیٹرول کا تحفہ دے دیا گیا۔ دولہے کے دوست نے نوبیاہتا جوڑے کو 5 لیٹر پیٹرول کا تحفہ دیا۔

اس موقع پر بنائی گئی ایک تصویر بھی سوشل میڈیا پر خوب گردش کررہی ہے جس میں سفید شرٹ میں ملبوس نوجوان کو دیکھا جاسکتا ہے کہ وہ دولہا اور دلہن کو پیٹرول کا تحفہ پیش کر رہا ہے۔ دولہے اور دلہن کی بھرپور مسکراہٹ اس بات کا ثبوت ہے کہ وہ بھی پیٹرول کے تحفے سے بہت خوش ہیں۔