200 سے زائد فراری ہتھیار ڈال کر قومی دھارے میں شامل ہوگئے

کوئٹہ: بلوچستان میں کالعدم تنظیم سے تعلق رکھنے والے 200 سے زائد فراری ہتھیار ڈال کر قومی دھارے میں شامل ہو گئے۔
اطلاعات کےمطابق بلوچستان اسمبلی کے احاطے میں پروقار تقریب میں مختلف کالعدم تنظیم سے تعلق رکھنے والے 200 سے زائد فراری ہتھیار ڈال کر قومی دھارے میں شامل ہوئے، وزیراعلی بلوچستان جام کمال نے فراریوں کی واپسی کو خوش آئند قرار دیتے ہوئے مسائل کے حل کا وعدہ کیا۔
وزیراعلی بلوچستان کا کہناتھا کہ ناراض بھائیوں کی ناراضگی کے پیچھے ہماری کوتاہیاں ہیں جن کا ازالہ ضرور کریں گے۔
ہاتھوں میں سبز ہلالی پرچم تھام کر ہتھیار ریاست کے حوالے کرنے والے فراریوں کا تعلق صوبے کے مختلف علاقوں سے ہے۔
فراریوں میں شامل نوجوان اور بوڑھے پرامید ہیں کہ ریاست اپنی ذمہ داریاں ضرور نبھائے گی۔