لاہور میں مکان کی چھت گرنے سے 2افرادجاں بحق

لاہور کے علاقے ملک پارک کے قریب واقع ایک مکان کی چھت گر گئی جس کے ملبے تلے دب کر 2 افراد جاں بحق ہو گئے۔
ریسکیو ذرائع کے مطابق حادثے میں 3 افراد زخمی بھی ہوئے، واقعے کی اطلاع ملتے ہی ریسکیو ادارے، ایمبولینسیں اور علاقہ پولیس مکان گرنے کی جگہ پہنچ گئے اور انہوں نے امدادی کام شروع کر دیا۔
ریسکیو ذرائع کا یہ بھی کہنا ہے کہ گرنے والے مکان کے ملبے کے نیچے سے جاں بحق افراد کی لاشوں اور زخمیوں کو نکال کر میؤ اسپتال منتقل کردیا گیا ہے۔