پنجاب حکومت نے سانحہ ماڈل ٹاؤن کیس کی پراسیکیوشن ٹیم تبدیل کردی

لاہور:پنجاب حکومت نے سانحہ ماڈل ٹاؤن میں دہشت گردی عدالت میں دائرمقدمات کا جلد فیصلہ کرنے کے لیے پراسیکیوشن ٹیم تبدیل کردی ہے، پنجاب حکومت نے ڈپٹی پراسیکیوٹرجنرل حافظ اصغر، شیخ سعید اوروقارعابد بھٹی کی جگہ ڈپٹی پراسیکیوٹرجنرل عبدالرؤف وٹو، امتیازسپرا اورآزر سلطان کا نوٹی فکیشن جاری کردیا ہے۔
وزیراعظم عمران خان نے گزشتہ دنوں پاکستان عوامی تحریک کے قائد ڈاکٹرطاہرالقادری سے ٹیلی فونک گفتگوکی تھی ، جس میں انہوں نے سانحہ ماڈل ٹاؤن کے لواحقین کو جلد انصاف فراہم کرنے کے عزم کا اعادہ کیا تھا۔
واضح رہے کہ پاکستان عوامی تحریک نے سرکاری وکلا کی ٹیم پرعدم اطمینان کا اظہارکرتے ہوئے وزیراعظم عمران خان سے انہیں تبدیل کرنے کی درخواست کی تھی۔