اے ٹی ایم سے فراڈ کرکے لوگوں کو لوٹنے والا گروہ گرفتار

اسلام آباد: ایف آئی اے نے اے ٹی ایم سے فراڈ کرکے لوگوں کو لوٹنے والے گروہ کو گرفتار کرلیا،جس میں غیر ملکی بھی شامل ہیں اور ان کا تعلق رومانیہ سے ہےجبکہ ملزمان کے قبضے سے 130 اے ٹی ایم، کریڈٹ کارڈ برآمد کرلیےہیں۔ 

وفاقی تحقیقاتی ادارے(ایف آئی اے) حکام نے بتایا کہ ملزمان فراڈ کرکے شہریوں کو کروڑوں روپے کا ٹیکہ لگا چکے ہیں اور کارروائی کے بعد بیرون ملک فرار ہوجاتے تھے،

ایف آئی نے حکام نے بتایا کہ ملزمان کے قبضے سے 130 اے ٹی ایم، کریڈٹ کارڈ، لیپ ٹاپ،کیمرے اور ایک ہزار سے زائد جعلی اے ٹی ایم کارڈ بھی برآمد ہوئے ہیں۔

ایف آئی اے حکام کا کہنا ہےکہ گروہ کے دیگر ملزمان کو بھی جلد گرفتار کرلیا جائے گا۔