سرداربہادرخان ویمن یونیورسٹی کی طالبات کابلوچستان گورنر ہاؤس کادورہ

کوئٹہ: سردار بہادر خان ویمن یونیورسٹی کی طالبات نے وائس چانسلر پروفیسر ڈاکٹر رخسانہ جبین کی سربراہی میں تاریخی گورنر ہاؤس کا دورہ کیا۔

طالبات نے پہلی مرتبہ بلوچستان گورنر ہاؤس آمد پر بے حد خوشی کا اظہار کیا اور تاریخی گورنر ہاؤس سے متعلق گورنر بلوچستان سے سوالات بھی کئے۔

اس موقع پر طالبات نے گورنر ہاؤس کی عمارت کے مختلف حصے دیکھے اور یہاں لگی قدیم تصاویر اور مجسموں میں گہری دلچسپی کا اظہار کیا۔

طالبات نے گورنر ہاؤس میں قائم سبزہ زار میں برٹش بلوچستان کے دور کے انگریز وائس رائے کے مجسمہ بھی دیکھے اور تصاویر لیں۔