نیب کی سعد رفیق اورسلمان رفیق کےپاسپورٹ بلاک کرنےکی درخواست

لاہور: خواجہ سعد رفیق اور سلمان رفیق کے خلاف پیرا گون ہاؤسنگ اسکینڈل کی تحقیقات جاری ہیںجبکہ نیب نے دونوں بھائیوں کے پاسپورٹ بلاک کرنے کی درخواست کی ہے۔

تفصیلات کےمطابق نیب لاہور کی جانب سے پاسپورٹ اینڈ امیگریشن ڈائریکٹوریٹ کو ایک خط تحریر کیا گیا ہے جس میں خواجہ سعد رفیق اور خواجہ سلمان رفیق کے پاسپورٹ بلاک کرنے کی درخواست کی گئی ہے۔

دوسری جانب نیب نے دونوں بھائیوں کو پوچھ گچھ کے لیے طلب بھی کر رکھا ہے۔

نیب لاہور خواجہ سعد رفیق کو دو بار طلب کر چکا مگر وہ حاضر نہیں ہوئے۔

نیب لاہور نے خواجہ سعد رفیق کو 16 اکتوبر کو تیسری بار طلب کیا ہے۔