نیپرا نے بجلی کی قیمت میں 20 پیسے فی یونٹ اضافے کی منظوری دیدی

اسلام آباد:نیپرا نے بجلی کی قیمت میں 20 پیسے فی یونٹ اضافہ کی منظوری دے دی،اضافہ ستمبرکی ماہانہ فیول ایڈجسٹمنٹ کی مدمیں کیاگیا،نیپرا کا کہنا ہے کہ قیمتوں میں اضافہ نومبر کے بلوں میں کیاجائے گا۔
نیشنل الیکٹرک پاور ریگولیٹری اتھارٹی (نیپرا) نے سینٹرل پاور پرچیزنگ ایجنسی کی ستمبر کے فیول ایڈجسٹمنٹ کے لیے دائر درخواست کی سماعت کی۔
سینٹرل پاور پرچیزنگ ایجنسی نے فی یونٹ بجلی 44 پیسےمہنگی کرنےکی درخواست کی تھی تاہم نیپرا نے بجلی کی قیمت میں 20 پیسے فی یونٹ کا اضافہ کردیا۔
نیپرا نے بجلی کی قیمت میں اضافہ ستمبر کے فیول ایڈجسٹمنٹ کی مد میں کیا، بجلی کی قیمت بڑھنے سے صارفین پر 2 ارب 40 کروڑ روپےکا اضافی بوجھ پڑےگا۔
نیپرا کےمطابق بجلی کی قیمتوں میں اضافے کا اطلاق کے الیکٹرک کے صارفین پر نہیں ہوگا۔