پاک فوج امن واستحکا م کے لئے موثر کردار اداکررہی ہے،آرمی چیف

راولپنڈی: پاک فوج کے سربراہ جنرل قمر جاوید باجوہ نے کہاکہ پاک فوج خطےمیں امن و استحکام کی ضامن ہے،پاک فوج امن واستحکا م کے لئے موثر کردار اداکررہی ہے۔
پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمرجاوید باجوہ نے لائن آف کنٹرول کا دورہ کیا اور ایل او سی کے اگلے مورچوں پرتعینات جوانوں سے ملاقات کی۔
اس موقع پر جوانوں سے خطاب کرتے ہوئے آرمی چیف جنرل قمر جاوید باجوہ کا کہنا تھا کہ ہم مادروطن کے دفاع کے لئے ہر وقت تیار ہیں اور کسی بھی جارحیت کا بھرپورجواب دینے کی صلاحیت رکھتے ہیں۔
آرمی چیف جنرل قمرجاوید باجوہ کا کہناتھاکہ کشمیر ایک حل طلب مسئلہ ہے، ہم کشمیری عوام کے تاریخی مؤقف پر ان کے ساتھ کھڑے ہیں۔