مذہبی جماعتوں کےاحتجاج کےباعث مختلف ٹرینوں کی آمدورفت متاثر

اسلام آباد: مذہبی جماعتوں کے احتجاج کے باعث امن و امان کی صورتحال کے پیش نظر مختلف ٹرینوں کی آمدورفت بھی متاثر ہوئی ہے۔
ریلوے حکام کے مطابق پشاور سے کوئٹہ جانے والی جعفر ایکسپریس کی روانگی منسوخ کردی گئی، جسے صبح 6 بجے روانہ ہونا تھا۔

حکام کے مطابق پشاور سے کراچی جانے والی عوامی ایکسپریس بھی روانہ نہ ہوسکی۔دوسری جانب خوشحال خان خٹک ایکسپریس شام 5 بجے کراچی کے لیے روانہ ہوگی جبکہ کراچی جانے والی خیبر میل رات 10 بجے روانہ ہوگی۔

واضح رہے کہ کراچی جانے والی خیبر میل کی روانگی میں دو دن کی تاخیر ہوئی ہے۔