چیف جسٹس دل میں تکلیف کے باعث اسپتال میں داخل،انجیو پلاسٹی کی گئی

چیف جسٹس پاکستان میاں ثاقب نثار کو دل میں تکلیف کے باعث راولپنڈی انسٹی ٹیوٹ آف کارڈیالوجی میں داخل کر دیا گیا جہاں ان کی انجیوپلاسٹی کی گئی۔
اسپتال ذرائع کے مطابق چیف جسٹس کو سینے میں تکلیف کے باعث آر آئی سی لایا گیا تھا، جہاں ان کی حالت اب خطرے سے باہر بتائی جاتی ہے۔
راولپنڈی انسٹی ٹیوٹ آف کارڈیالوجی کے سربراہ میجر جنرل (ر) اطہر کیانی نے چیف جسٹس کا چیک اپ کیا۔
اسپتال ذرائع کے مطابق چیک اپ کے دوران پتہ چلا کہ چیف جسٹس ثاقب نثار کے دل کی ایک شریان بند تھی،انہیں انجیوپلاسٹی کے بعد مزید دیکھ بھال کے لیے اسپتال میں داخل کرلیا گیا ہے۔
سربراہ آر آئی سی جنرل (ر) اظہر کیانی کا کہنا تھا کہ چیف جسٹس ثاقب نثار کے دل کی ایک بند شریان کو کھول دیا گیا ہے،اور انہیں کیتھ لیب سے وی وی آئی پی وارڈ منتقل کردیا گیا ہے۔