عوام نے ہمیشہ ساتھ دیا،اگلی حکومت پھرہماری ہے،آصف زرداری

خیرپور: سابق صدرآصف زرداری نےکہاکہ سندھ کے عوام نے ہمیشہ ہمارا ساتھ دیا ہے، اگلی حکومت پھر ہماری ہے۔خیر پور میں عوامی اجتماع سے خطاب کر تے ہوئے پاکستان پیپلز پارٹی کے شریک چیئرمین آصف زرداری نےکہا کہ کچھ عناصر ہمارے اور عوام کے درمیان دوریاں پیدا کرنا چاہتے ہیں لیکن ہم عوام سے دور نہیں رہ سکتے، آپ نے ہمیشہ میرا ساتھ دیا لیکن کچھ دوریاں ہوگئی تھیں، چاہتا ہوں کہ آپ سے محبت کا رشتہ قائم رہے۔
آصف زرداری نے کہا کہ ذوالفقار علی بھٹو اور بے نظیر بھٹو کا مشن عوام کی خدمت تھا، میری زندگی کامقصد بے نظیر بھٹو کا مشن آگے بڑھانا ہے، ہم خدمت کرتے رہیں گے اور اگلی حکومت پھر ہماری ہے۔