پنجاب اسمبلی میں سینیٹ کی2نشستوں پرالیکشن کیلئےپولنگ کاوقت ختم

لاہور:سینیٹ کی 2 نشستوں پر پاکستان تحریک انصاف کےولید اقبال اورسیمی ایزدی جبکہ مسلم لیگ (ن) کے سعود مجید اورسائرہ افضل کے درمیان مقابلہ ہورہاہے۔
اطلاعات کےمطابق پولنگ کچھ تاخیر سے شروع ہوئی جو شام 4 بجے تک جاری رہی اور پولنگ کے دوران حکومتی جماعت پاکستان تحریک انصاف کی جانب سے 179 اور اتحادی (ق) لیگ کے 10 ووٹ کاسٹ ہوئے۔ پوزیشن کے173 ووٹ کاسٹ ہوئے جس میں ن لیگ کے 166 اور پیپلزپارٹی کے 7 ووٹ کاسٹ ہوئے۔
پی ٹی آئی کے اویس دریشک اورق لیگ کے سہیل شوکت بٹ بیرون ملک ہونے کے باعث ووٹ کاسٹ نہ کرسکے۔
خیال رہےکہ یہ دونوں نشستیں مسلم لیگ (ن) کے ہارون اختر اور سابق وزیراعظم شاہد خاقان عباسی کی ہمشیرہ سعدیہ عباسی کی نااہلی کے باعث خالی ہوئی تھیں۔