عمران خان کو بہترین ماحول ملاہےلیکن وہ کھلیں تو سہی،چوہدری نثار

اسلام آباد: سابق وفاقی وزیر داخلہ چوہدری نثار علی خان نے کہا کہ وزیراعظم عمران خان کو بہترین ماحول ملا ہے انہیں ایسی بیٹنگ وکٹ ملی جہاں انہیں صرف سیدھا کھیلنا ہےلیکن وہ کھلیں تو سہی۔
نجی ٹی وی کو انٹرویو دیتے ہوئے سابق وزیر داخلہ چوہدری نثار علی خان نے کہاکہ عمران خان کو ق لیگ کی حکومت سے بھی بہتر ماحول ملا ہے وزیراعظم عمران خان کو ایسی بیٹنگ وکٹ ملی جہاں انہیں صرف سیدھا کھیلنا ہے، لیکن وہ پہلے سیدھا کھیلیں تو سہی، اچھی ٹیم میدان میں اتاریں۔
انہوں نے کہا کہ احتساب بلا تفریق ہونا چاہیے، یہ کوئی احتساب نہیں کہ اپوزيشن کو رگڑا دے دیا جائے لیکن حکومت کے ساتھ شامل لوگوں کو کوئی پوچھنے والا نہ ہو۔