ڈی آئی خان میں سیکیورٹی فورسز کی کارروائی، مطلوب دہشت گرد ہلاک

سیکیورٹی فورسز نے جاری آپریشن رد الفساد کے سلسلے میں کارروائی کرتے ہوئے ڈیرہ اسماعیل خان کے علاقے درابن میں مطلوب دہشت گرد حاکم کو ہلاک کرکے 6 مغوی شہریوں کو بازیاب کرالیا۔
پاک فوج کے شعبہ تعلقات (آئی ایس پی آر) کی جانب سے جاری کیے گئے بیان کے مطابق ڈیرہ اسماعیل خان کے علاقے درابن میں خفیہ اطلاع پر کارروائی کی گئی، جس کے دوران حاکم نامی ایک مطلوب دہشت گرد کو ہلاک کردیا گیا۔
آئی ایس پی آر کے مطابق ہلاک دہشت گرد نے 6 شہریوں کو یرغمال بنا رکھا تھا، جنہیں بازیاب کروالیا گیا۔
ترجمان پاک فوج کے مطابق ہلاک دہشت گرد کے قبضے سے آٹومیٹک ہتھیار اور دستی بم بھی برآمد کیے گئے۔
آئی ایس پی آر کے مطابق آپریشن میں 4 سیکیورٹی اہلکار زخمی بھی ہوئے۔