کراچی میں سی این جی اسٹیشن جمعرات کی شب تک بند

کراچی میں سی این جی اسٹیشنوں کی بندش میں 12 گھنٹے کی توسیع کردی گئی ہے۔ سی این جی اسٹیشن پہلے جمعرات کی صبح 8بجے کھولے جانے تھے تاہم سوئی سدرن کی جانب سے بتایا گیا ہے کہ سی این جی اسٹیشن اب جمعرات کی شب 8 بجے کھولے جائیں گے۔

بندش میں توسیع کا سبب گیس پریشر میں کمی کو قرار دیا گیا ہے۔

کراچی سمیت سندھ میں گذشتہ ہفتے بھی سی این جی اسٹیشنوں کی طویل بندش کے سبب صارفین کو مشکلات کا سامنا کرنا پڑا تھا۔ سی این جی نہ ہونے کے سبب سڑکوں پر بسوں، رکشوں اور ٹیکسیوں کی تعداد بھی کم ہوگئی تھی۔