شیخ رشید مطلب پرست اورعوامی مینڈیٹ چوری کرنے والا شخص ہے،رانا ثنا اللہ

لاہور:مسلم لیگ (ن)کے رہنما رانا ثنا اللہ نے کہا ہے کہ شیخ رشید مطلب پرست اورعوامی مینڈیٹ چوری کرنے والا شخص ہے،ایساچورکبھی بھی ملک کے مفاد میں بات نہیں کرسکتا۔
مسلم لیگ (ن) کے رکن قومی اسمبلی راناثناءاللہ نے وزیرریلوے شیخ رشید کے بیان پر رد عمل دیتے ہوئے کہا کہ ‎پاکستان کی عوام نے شیدا ٹلی کی سیاست کا تابوت بنانا شروع کردیا ہے، ‎نواز شریف کے بوٹ چاٹنے والا آج عمران خان کا چپڑاسی بنا ہوا ہے، ‎عمران کو ٹانگہ پارٹی کہنے والا پھر اسی ٹانگے کے پائیدان سے لٹک گیا۔
رانا ثناءاللہ کا کہنا تھا کہ ‎شیخ رشید ایک بار پھرجمہوریت پہ ڈاکہ ڈالنے کی سازش میں شامل ہے، ‎جمہوریت کے ایسے کفن چور ملک دشمن اور عوام کے غدار ہیں، ‎جمہوریت چور شیخ رشید دوبارہ ملک کو اندھیروں کی طرف لے جانے کی کوشش کررہا ہے، ‎راولپنڈی کا شیطان اور بھانڈ عوام کو اپنی بداعمالیوں کا جواب دے۔
رہنما مسلم لیگ (ن) نے کہا کہ ‎نواز شریف کے نام پرووٹ لے کر آمریت کی گود میں جا بیٹھا، ‎ شیخ رشید جیسے ‎کفن چوروں کی وجہ سے جمہوریت کی قبریں کھودی گئیں۔