راجن پور: کار اور ٹرک میں تصادم، 9افراد جاں بحق

راجن پورمیں کار اور ٹرک میں تصادم کے نتیجے میں 9افراد جاں بحق ہو گئے۔
ریسکیو ذرائع کے مطابق راجن پور کے علاقے شاہ والی کے قریب تیز رفتار ٹرک اور کار میں تصادم ہو گیا ، جس کے نتیجے میں 8افراد جاں بحق ہو گئے جبکہ ایک بچہ شدید زخمی ہو گیا جو بعد ازاں اسپتال میں دم توڑ کیا۔جاں بحق افراد کی لاشوں کو اسپتال منتقل کردیاگیا۔
پولیس کے مطابق مرنے والوں کا تعلق ایک ہی خاندان سے ہے، مرنے والوں میں 2 مرد، 4 خواتین اور 3 بچے شامل ہیں۔
پولیس کے مطابق ٹرک کے ڈرائیور کو گرفتار کرلیا گیا ہے ۔