سی این جی رات 10بجے بند، منگل کی صبح 8بجے کھلے گی

کراچی:سندھ میں ایک مرتبہ پھر سی این جی رات 10 بجے بند کردی جائے گی جو پھر منگل کی صبح 8بجے کھلے گی، پیٹرولیم ڈیلرز ایسوسی ایشن کا کہناہے کہ سوئی سدرن گیس کمپنی کے اعلامیہ کے مطابق سی این جی بند کردی گئی ہے جو اب منگل کی صبح 8بجے کھلے گی،اس سے پہلے سوئی سدرن گیس کمپنی نے کراچی سمیت سندھ بھر میں صرف 24گھنٹے کیلئے سی این جی اسٹیشنز کھولے تھے،سی این جی ملنے پر ابھی شہر کے باسی سکھ کا سانس بھی نہ لے پائے تھے کہ ایک بار پھر یہ روح فرسا خبر سنا دی گئی کہ شہر کے تمام سی این جی اسٹیشن پھر رات 8بجے بند کردیئے گئے ہیں۔دوسری جانب کراچی کے مختلف علاقوں میں گیس پریشر میں کمی کے باعث گھریلو صارفین کو مشکلات کا سامنا ہےجبکہ گیس نہ ہونے کے باعث صبح ناشتے کے لیے ہوٹلوں پر رش ہے۔لوگ باہر سے کھانا خرید کر کھانے پر مجبور ہوگئے ہیں۔