بانی ایم کیوایم کی حوالگی،وزارت داخلہ نے 8جنوری کو اہم اجلاس بلا لیا

اسلام آباد: متحدہ قومی موومنٹ (ایم کیو ایم) کے بانی الطاف حسین کی حوالگی سے متعلق وزارت داخلہ میں اہم اجلاس 8 جنوری کو طلب کرلیا۔
بانی ایم کیوایم کی حوالگی سے متعلق اسلام آباد میں وفاقی وزارت داخلہ میں اہم اجلاس منگل کو ہوگا جس میں بانی ایم کیو ایم کو پاکستان کے حوالے کرنے کے معاملے کا جائزہ لیا جائے گا۔
وزارت داخلہ کے مراسلے کے مطابق اجلاس کی صدارت وفاقی سیکریٹری داخلہ کریں گے ، جبکہ اجلاس میں ڈی جی ایف آئی اے بھی شریک ہوں گے۔
اجلاس میں وزارت قانون، محکمہ داخلہ سندھ اور آئی جی سندھ بھی شرکت کریں گے ۔
واضح رہے کہ گذشتہ برس اکتوبر میں وزارت داخلہ نے ڈاکٹر عمران فاروق قتل کیس میں بھی بانی ایم کیو ایم الطاف حسین کے ریڈ وارنٹس کے لیے انٹرپول سے رابطے کی منظوری دی تھی۔