دیر بالا اور بالائی علاقوں میں شدید برفباری جاری

ملک کے بالائی علاقوں اور دیر بالا سمیت نواحی علاقوں میں شدید برفباری کاسلسلہ جاری ہے، لواری ٹنل کے اطراف شدید برف باری ہوئی جس کے بعد ضلعی انتظامیہ نے مسافروں کی سہولت کے لیے کنٹرول روم قائم کردیا ۔

،اسسٹنٹ کمشنردیربالانے عوام سے درخواست کی ہے کہ ڈرائیورگاڑیوں میں ڈیزل اورپٹرول مناسب مقدارمیں رکھیں اور مسافرٹائروں کےساتھ زنجیراستعمال کریں

گزشتہ رات مری میں برف باری سے راستے بند ہوگئے جس کے باعث کئی سیاحوں نے رات گاڑیوں میں گزار دی جبکہ ایبٹ آباد، مانسہرہ، ناران ،کاغان، شوگران کےکئی علاقوں میں بھی ہلکی برفباری ہوئی۔

اسلام آباد کے نواحی علاقے شاہ اللہ دتہ میں بھی برفباری ہوئی جبکہ جہلم ساہیوال اور سیالکوٹ میں بارش ہوئی جس سے ٹھنڈ میں اضافہ ہوگیا ہے۔