کیپری سینما کے پاس سی ٹی ڈی کی کارروائی،متحدہ لندن کا ٹارگٹ کلر گرفتار

کراچی کے علاقے صدر ایم اے جناح روڈ پر کیپری سینما کے پاس سے کائونٹر ٹیررازم ڈپارٹمنٹ نے مبینہ ٹارگٹ کلر کو گرفتار کرلیا، گرفتارملزم کا تعلق ایم کیوایم لندن سے ہے ، ملزم سے بھاری اسلحہ برآمدہوا ہے

نجی ٹی وی چینلز کے مطابق کائونٹرٹیررازم ڈپارٹمنٹ نے خفیہ اطلاع پر صدر ایم اے جناح روڈ پر کیپری سینما کے پاس چھاپہ مار کارروائی کی اور ایم کیوایم لندن سے تعلق رکھنے والے ٹارگٹ کلر کو گرفتار کرلیا

ملزم ڈائریکٹراسکول اور سیاسی جماعت کے کارکن کے قتل سمیت جرائم کی سنگین وارداتوں میں ملوث اور کئی سال سے مطلوب تھا

ملزم کے قبضہ سے پستول اور دستی بم سمیت بھاری اسلحہ برآمد ہوا ہے، سی ٹی ڈی نے ملزم کوتھانے منتقل کرکے اس کیخلاف مقدمہ درج کرلیا ہے اور تفتیش بھی شروع کردی ہے۔