گوجرانوالہ میں ٹوٹی سڑک نے 3 دوستوں کی جان لے لی

گوجرانوالہ میں ٹوٹی ہوئی سڑک نے 3 دوستوں کی جان لے لی جبکہ ان کے دو ساتھی شدید زخمی ہوگئے۔

پانچوں دوست وزیر آباد سے گوجرانوالہ جا رہے تھے کہ ان کی  GLi کار نمبر LEf9298  ٹوٹی سڑک کے باعث بے قابو ہو کر دیوار سے ٹکرا گئی۔

کار میں سوار 3 نوجوان زخموں کی تاب نہ لاتے ھوئے جاں  بحق ھو گئے  جن کی شناخت علی رضا کھیرا اور علی چیمہ سکنہ ویروکی سے ہوئی جبکہ زخمیوں میں  فیصل چیمہ سکنہ ویروکی اور اسرار وڑائچ سکنہ بڈرجادھہ وزیرآباد شامل ہیں۔

ریسکیو 1122 نے موقع پر پہنچ کر زخمیوں کو ڈی ایچ کیو اسپتال منتقل کیا۔

حادثہ جمعہ کی شام پیش آیا۔