کراچی سے سزائے موت کا مفرور مجرم گرفتار

سی ٹی ڈی نے کراچی میں کارروائی کرتے ہوئے سزائے موت کے مفرور مجرم کو گرفتار کر لیا ہے، مجرم علی اکبر عرف ظفراللہ کو بلوچستان کی عدالت سے سزائے موت سنائی جاچکی ہے۔

سی ٹی ڈی حکام کے مطابق مجرم کے قبضے سے کلاشنکوف اور ہینڈ گرینیڈ برآمد کرلیا گیا۔

مجرم بلوچستان کے مختلف علاقوں میں 6 افراد کا قتل کرچکا ہے۔ اس نے 2004 میں کلات میں شہری عثمان عمرانی کو قتل کیا تھا۔

حکام کے مطابق مجرم نے مقتول عثمان عمرانی کو خاندانی جھگڑے کی وجہ سے قتل کیا جبکہ مجرم نے قتل کیس کے تین گواہ کو بھی بعد میں قتل کیا۔

گواہوں کے قتل کیس میں مجرم کو سزائے موت سنائی گئی تھی، اس کوکو قانونی کارروائی مکمل کر کے بلوچستان حکومت کے حوالے کردیا جائے گا۔