خیر پور میں3 گاڑیاں آپس میں ٹکراگئیں، 3 افراد جاں بحق

مہران ہائی وے پر تیز رفتار آئل ٹینکر کی مسافر وین اور کار سے ٹکر کے نتیجے میں 3 افراد جاں بحق جب کہ 5 زخمی ہوگئے۔

مہران ہائی وے پر دھند کے باعث آئل ٹینکر، مسافر وین اور کار آپس میں ٹکرا گئے، حادثے کے نتیجے میں مسافر وین میں سوار 3 افراد موقع پر ہی جاں بحق ہوگئے جبکہ 5 زخمی ہوئے.

امدادی کارروائیوں میں تاخیر اور ایمبولنس نہ ہونے کے باعث ہلاکتیں ہوئیں، مقامی افراد نے لاشیں اور زخمیوں کو ٹریکٹر ٹرالی کی مدد سے اسپتال پہنچایا، مسافر وین ٹھری میرواہ سے کراچی جا رہی تھی۔