اسپورٹس سرگرمیاں پرامن کراچی کا ثبوت ہیں، مراد علی شاہ

وزیر اعلیٰ سندھ مراد علی شاہ نے کہا ہے کہ اسپورٹس سرگرمیاں پرامن کراچی کاثبوت ہیں، کامیاب ایونٹس کا سہرا عوام کوجاتا ہے۔

کراچی میں میڈیا سے گفتگو کرتے ہوئے مراد علی شاہ نے کہا کہ کراچی میں چند ماہ سے اسپورٹس کی سرگرمیاں بڑھ رہی ہیں، ایک بار پھر پی ایس ایل فائنل کی میزبانی کراچی کر رہا ہے، ویسٹ انڈیز کی ویمن ٹیم کراچی کے دورے پر ہے۔

انہوں نے کہا کہ بڑھتی ہوئی اسپورٹس سرگرمیاں پرامن کراچی کا ثبوت ہیں، کامیاب ایونٹس کا سہرا عوام کو جاتا ہے۔

وزیر اعلیٰ سندھ نے کہا کہ میراتھون میں 50سال والی کیٹگری بھی ہونی چاہیے تاکہ میں بھی شرکت کرسکوں، انہیں ڈرتھا میں جیت جاؤں گا اس وجہ سے میراتھون میں نہیں بلایا۔

مراد علی شاہ نے مزید کہا کہ ایک کیٹگری ایسی ہوتی جوسندھ اسمبلی کا ممبر اور نام (م) سے شروع ہوتا۔