کوچ اور پک اپ میں خوفناک تصادم، 13افراد جاں بحق

کرک کے علاقے انڈس ہائی وے پر سپینہ بانڈہ کے مقام پر مسافر کوچ اور پک اپ کے درمیان حادثے کے نتیجے میں 13افراد جاں بحق جب کہ 4 شدید زخمی ہوگئے۔

واقعے کے بعد زخمیوں کو ڈسٹرکٹ ہیڈ کواٹر اسپتال کرک منتقل کردیا گیا ہے جہاں زخمیوں کی حالت تشویشناک بتائی جاتی ہے۔

ذرائع کے مطابق حادثے کا شکار ہونے والی بد نصیب مسافر کوچ پشاور سے ڈیرہ اسماعیل خان جا رہی تھی۔

ریسکیو ذرائع کے مطابق تصادم کے بعد بس سلنڈر پھٹ گیا جس سے آگ لگ گئی تاہم واقعے کی مزید تحقیقات جاری ہیں۔