اسپیکر نے شہباز شریف کی 3قائمہ کمیٹیوں کی رکنیت ختم کردی

اسپیکر قومی اسمبلی اسد قیصرنےاپوزیشن لیڈر شہباز شریف کی 3قائمہ کمیٹیوں کی رکنیت ختم کردی۔
قومی اسمبلی سیکٹریٹ کی جانب سے  جاری کیے گئےنوٹیفکیشن کے مطابق اسپیکر نے شہباز شریف کی درخواست پران کی قائمہ کمیٹیوں کی رکنیت ختم کی۔

شہباز شریف کی جن قائمہ کیمیٹیوں کی رکنیت ختم کی گئی ہے ان میں قانون وانصاف ،اطلاعات ،امور کشمیر کمیٹیوں کی رکنیت شامل ہے۔

واضع رہے کہ حکومت اورشیخ رشید نے شہباز شریف کوپی اے سی سے ہٹانے کا مطالبہ کر رکھا ہے لیکن اس پر ابھی تک اسپیکر نے کوئی عمل نہیں کیا۔

یاد رہے کہ پاکستان مسلم لیگ (ن) کے صدر شہباز شریف قومی اسمبلی میں قائد حزب اختلاف ہیں اور وہ پبلک اکاؤنٹس کمیٹی کے چیئرمین بھی ہیں۔